तालुक्यात लसीकरण मोहीम सुरळीत सुरू असून, याला नागरिकांचा चांगला प्रतिसाद मिळत आहे. आतापर्यंत जवळपास ६० टक्के लसीकरण झाले असून, लवकरच तालुक्यात १०० टक्के लसीकरण पूर्ण होईल असा विश्वास आरोग्य विभागाने यावेळी व्यक्त केला . तालुक्यात मुबलक प्रमाणात लस साठा उपलब्ध होत असून, आरोग्य केंद्रांतर्गत गाव निहाय सुरळीत वितरण करण्यात येत आहे. याचा संबंधित नागरिकांनी लाभ घ्यावा.तसेच कोरोना नियमांचे पालन करण्याचे आवाहन आरोग्य अधिकारी डॉ सुधीर पाटील यांनी केले आहे.
कोरोना रुग्णांची घटती संख्या लक्षात घेऊन सर्वत्र अनलॉक झाले आहे. शासनाने बहुतांश निर्बंध शितील केल्याने शहरासह ग्रामीण भागात गर्दीचे प्रमाण वाढले आहे. यामुळे संपूर्ण जिल्ह्यात (दि ८) रोजी नवीन कोरोना पॉझिटिव्ह रुग्ण संख्येने शंभरी पार केल्याने पुन्हा धास्ती वाढली आहे. कोरोनाची भीती अजून संपली नसून, नागरिकांनी येणाऱ्या सण उत्सवात आपल्या आरोग्याची काळजी घ्यावी, गर्दीच्या ठिकाणी जाणे टाळावे , सामाजिक अंतर राखणे , मास्क, सॅनिटायझरचा वापर करावा शासनाने लागू केलेल्या अटी व शर्तींचे पालन करून, प्रशासनास सहकार्य करावे ,असे आवाहन आरोग्य यंत्रणेने केले आहे.
